2013年2月26日 星期二

農曆十四元朗暴食團拜

2013/2/23, 14:30


農曆十四元朗暴食團拜, 週末的日子, 放工和CEO塔巴士入元朗拜年, 大家相約下午三點等, 但肚子開始打鼓, 我倆就先來個Round 1, 原來是去大榮華食點心, 到達時見人龍, 不乏日本遊客, 唯有轉場.

Round 1 - 勝利牛丸

剛好在谷亭街附近, 幫襯新舖的勝利牛丸.

之前睇電視金剛小儀都有黎做飲食節目介紹, 將啲牛丸掟落枱會彈起的, 就試一試.



店內店外都坐滿食客, 流量極快, 和我們同枱吃牛丸牛腩河的叔叔用了一個杯麵的時間, 食完走人




牛腩河, 湯色澤較深, 牛筋多過牛腩, 腩肉不是靚肉, 多是瘦瘦一塊, 未算韌, 味道就一般般貨式.


 

招牌牛丸河, 牛丸係用新鮮牛肉打成, 係無筋的口感, 有啲失望, 相對肉質滑啲, 牛味又無想中濃, 河粉算爽, 但不夠滑, 還好有幾粒冬菜調一調味, 添一份鹹香.

一人一碗$27, 完全吾飽, 純熟打底, 街坊們是當下午茶嗎?





Round 2 - 永年士多

嘩...有無咁多人呀食車仔麵咋喎, 成三四十人排隊等, 排到轉晒彎, 我們先排隊等, 等等下都齊人啦!!
 


車仔麵包店$28一碗三餸, 其實有好多選擇, 招牌有豬腸, 蘿蔔, 雞翼...

可惜這5人組合實在嘴'鵰', 其實揀飲擇食, 有人吾食內臟, 菇, 豬皮, 菜...最後要了兩碗.



Chairlady提大家要加辣, 咁先夠風味, 我覺得蠻不錯!不過有兩團員大咸太辣

辣魚旦Min je話有啲鯹味喎~ 芝士丸是來貨無乜特別, 雞翼就真係幾入味, 吾錯!



蘿蔔無渣吾錯, 大大塊的, 夠足料, 火腿丸也是無乜特別, 總結水準一般, 要排長龍就吾會再排

Share兩碗既關係, 問店員取碗仔, 收$1一個, 最後買左一個呀!

可能是環保或成本問題, 見店方的姐姐將食客食完的碗整理, 疑似翻用!?其實吾係咁衛生, 似終係發寶膠碗, 如果為了上述原因, 大可用膠碗吧!大家食得放心!


Round 3 - ???

Chairlady介紹的涼茶, 好讓怕辣的團員解解辣.(細心的Chairlady)


 

Round 4 - 寶城餅店

行過幾步就到寶城餅店, 目標是新鮮出爐的蛋撻~~

 


街坊都買緊新鮮出爐的蛋撻, 真係熱辣辣架, 姐姐都要攞塊麵包隔熱倒出蛋撻,

 

好懷念舊式麵包店, 一底底排晒出黎, 街坊不禁停下腳步買番個, 麵包店比集團式的更有人情味~~




好多包包~~~~~~

 

新鮮熱辣的蛋撻$3, 咬一口, 出晒煙架, 大家都小心翼翼驚辣親, 曲奇皮的蛋撻, 香口脆身, 我還是喜愛酥皮多一點!

充滿蛋香, 甜蜜,滑度可以更好一點! 




差點Miss左另一美食, 剛剛出世的菠蘿包$3, 大家忍不住買了一個分吃, 包面乾身極度鬆脆, 吃時'索...索...'聲, 麵包軟滑, 好好味呀!

雖然大家是立食, 都不在乎, 吃到的是新鮮熱辣, 幾有風味, Min je是左手蛋撻, 右手菠蘿包~~~哈哈...Ivan有第一手偷拍Min je照


Round 5 - 七十一肥仔腸粉魚旦

點解叫七十一, 緊係吾係開廿四小時啦!中午3時至凌晨3時



 

肥仔叔叔幾友善, 叫我地撈勻啲醬食, 好食好多喎. 


 


$11 腸粉魚旦:腸粉米香淡, 粉皮薄薄的, 醬料較稀, 全靠秘密武器 - 豬油~~~~~~~ 香到呢!!


Round 6 - 士林台灣麵

門前座滿, 我們一行五人到店內.





台式炸雞扒, 大件厚肉, 切開八塊, 是連雞皮炸的, 是香口, 過油膩一點, 可拌甜酸汁吃.



台式牛肉麵, 湯底和麵條都都一般般, 牛肉是牛展肉, 非我們吃開的橫切一片片, 他是直刀切, 牛展口感嫩滑, 肉腍, 不錯!




Round 7 - 意大利千層麵屋

終於齊人, 連埋Matthew仔一齊去食飯.


 


 

Matthew仔好Like的黑松露薯蓉, Yummy~~~


 


 


 




 






意大利食品, 經濟小店, 也有不少選擇, 每人$60以這個價錢的質素, 也不錯了

特別加場是Min je的show time, 在SENSE一人獨享意大利芝士餅, 又名鬼食泥(後補相片)

總共7 Round, 是大滿足, 元朗區真的很多食店, 可以再來掃過~~~~




 


2 則留言:

  1. 你地超超勁丫
    [版主回覆02/27/2013 16:09:02]係超超傻

    回覆刪除
  2. 好勁呀..........食到7round.............佩服,佩服~~~~
    [版主回覆02/27/2013 23:44:18]大家都分黎食既, 哈哈.....

    回覆刪除