復活節Bun Fun嘉年華BB爬行比賽

4/4/2015

七個月大懂得自己扶住站起來的晴晴, 調轉次序八個月才識爬, 由起初單靠右腳向前至兩腳並用, 爬得起勁, 九個月大媽媽就決定幫佢報名參加BB爬行比賽.

比賽前數天收到來電通知晴晴分為細B組參賽, 細B組由6至11個月大的BB, 晴晴好像大有勝算機會 ^ ^

哈哈...一家都希望晴晴能奪季軍, 攞個屎塔蓋番黎 XDDD, 待一歲時就大派用場了, haha...

比賽當日除了舉辦開心BB爬行大賽, 還有至Kids型格模特兒Catwalk比賽, Amazing歌舞滙演及激Fun攤位玩不停~~~

免費扭波波, 晴晴揀了一隻她至愛的紅色小狗啊!

小朋友填色及畫花面攤位

專業攝影攤位

黎到最緊張的環節開心BB爬行大賽, 依大會規定我們為小晴晴裝扮成小白兔. 獲派第八線的她 靠最邊的賽道, 而賽道其實相當短, 約兩米多長.

比賽前的晴晴要來熱熱身拉筋, haha...

急不及待的小兔子

規則: 每個BB可以有最多兩位大人陪同, 一位在起跑線, 一位在比賽過程中引導向前爬, 同時可帶最多兩件東西引誘BB們呀 (我們帶了閃閃的星星棒及米奇杯子)~~~



比賽開始前段小晴晴有些不知所惜, 未有第一時間起步, 稍有移動, 逐步向前, 中段追回不少, 可惜去到賽道尾段被廣告牌吸引住.

最後衝線得第四名!!! 

小晴晴好叻叻完成賽事, 要和媽媽來幅合照先!!!

BB領取了第一張證書呀~~

現場即影即有相片, 大合照Cheers~~~

小白兔轉了樹熊look~~ XDDD

小朋友彩虹彈床, 小晴晴太細個只可以拍拍照, 要大個女先玩得啦!!

比賽選手未番到屋企就瞓著左 zzzzZZZZZ

比賽雖然輸左, 但一家人都玩得好開心, 攞吾到屎塔蓋都有好多實用靚靚禮物~~~~