2014年10月2日 星期四

Oddies - 不一樣的雞蛋仔


近來得知經營雪糕店的朋友推介一間港式雪糕店, 可謂識英雄重英雄, 事實上大家是同行對手嘛, 如是推介得定有一番實力. 假期的日子, 就一家三口到此造訪.




位於灣仔橫行的Oddies店子小小, 店內傳內一陣香噴噴的雞蛋仔香味, 心想我們不是來吃雪糕的嗎? 原來店子的招牌是雞蛋仔加上雪糕的組合, 有意思! 



小店子沒有華麗的佈置, 白色的牆身配上手作的小裝飾, 簡約感覺親民!






店子小購買後拿著票在門外等候, 雖然顧客不多, 但製作需時就先拍拍照. 擺放玻璃廚窗的配料頗為特別, 很期待製成品!


即製雞蛋仔, 有誠意!



Night Wolf $49
(意大利低脂扭紋軟雪糕、香脆牛油酥、焦糖香蕉雪糕、熱情果奶凍、布朗尼朱古力碎雞蛋仔、脆脆片)

Night Wolf的賣相好有層次感, 拿著匙及雪糕, 要搣一粒雞蛋仔好像有點難度, 豪氣點一口咬下去, 即製雞蛋仔熱辣辣, 外脆內軟, 中心填得滿滿的, 豐富的蛋香, 粒粒布朗尼朱古力點綴又另一番滋味.

意大利低脂扭紋軟雪糕, 足夠軟滑, 可能係低脂關係奶香稍遜, 甜度低, 66%濃度的黑朱古力, 味道香濃, 吃完個口也烏卒卒呢! 哈哈...

賣相有層次味道亦有驚喜, 軟雪糕下一層是熱情果奶凍, 軟腍腍的奶凍酸味味, 中和朱古力軟雪糕的甜膩感, 個人喜好如換上芒果奶凍就更合我心意. 另一亮點牛油酥, 是十分香脆. 底層的焦糖香蕉雪糕, 沒有想像的軟滑, 質感好比沙冰幼細, 蕉味強勁!


一讚雞蛋仔有水準, 愛吃原味的$14, 愛新意的有泡菜年糕$22, 火腿芝士$19, 云呢拿米飯布丁$19, 布朗尼朱古力碎$19.

一杯Night Wolf雪糕的組合絮不簡單, 欣賞其配塔加上港式的傳統街頭小吃, 值得支持!



餐廳資料:
Oddies
地址: 灣仔灣仔道149號1F地鋪
電話: 9155 5185


4 則留言: